Hrólfur rakari á Siglufirði óskaði eftir rökum fyrir þeirri ákvörðun skipulags- og umhverfisnefndar Fjallabyggðar að hækka hámarksumferðarhraða á þjóðveginum í gegn um þéttbýlið á Siglufirði úr 35 upp í 40 km/klst. þrátt fyrir að íbúar hafi ítrekað lýst yfir áhyggjum vegna hraðaksturs.
Mikil umræða hefur verið í Fjallabyggð um umferðaöryggi og umferðahraða undanfarin tvö ár, sjá fréttir hér að neðan.
Umferðarlög tóku breytingum um síðustu áramót þar sem segir að umferðarhraði verði að standa á heilum tug. Nefndin tók þá ákvörðun að leggja til við Vegagerðina að hámarkshraði á þjóðvegi í þéttbýli verði 40 km/klst.
Samhliða þeirri ákvörðun var ákveðið að gert yrði deiliskipulag af þjóðveginum í þéttbýli í samstarfi við Vegagerðina með umferðaröryggi og stýringu á umferðarhraða í huga. Nefndin bendir á að við vinnslu deiliskipulags þá gefst íbúum kostur á að gera athugasemdir og koma með ábendingar.
UMFERÐAHRAÐI FÆRÐUR NIÐUR Í 35 KM/KLST.
LEITA LEIÐA TIL AÐ HÆGJA Á UMFERÐ
UMFERÐARMÁL VIÐ LÆKJARGÖTU OG NORÐURGÖTU
UMFERÐAHRAÐI HÆKKAÐUR Í 40 KM Á KLST. Í FJALLABYGGÐ
ENN OG AFTUR AÐ UMFERÐARÖRYGGI Í FJALLABYGGÐ
UGGANDI YFIR HÆKKUN UMFERÐARHRAÐA Í FJALLABYGGÐ
UMFERÐARHRAÐI Í FJALLABYGGÐ ENDURSKOÐAÐUR
HÁMARKSUMFERÐARHRAÐI LÆKKAÐUR Í FJALLABYGGÐ
