Þjónustuaðilar í þeim bæjum sem skemmtiferðaskipin staldra við kvarta oft og tíðum yfir því að þessir farþegar skilji ekki mikið eftir sig og kaupi sjaldan þá þjónustu sem í boði er.
![](https://trolli.is/wp-content/uploads/2018/06/34536763_1547075658753176_651172618950410240_n.jpg)
Farþegar stíga á land
Þau Hulda og Gestur sem eiga og reka Top Mountaineering hafa aftur á móti boðið upp á nýja þjónustu sem vakið hefur áhuga hjá skipsfarþegum. Þau bjóða upp á kajakasiglingu og gönguferðir með leiðsögn.
Nýlega fór hópur farþega með þeim í gönguferð upp í Hvanneyrarskál. Veðrið lék við ferðamennina og nutu þeir ferðarinnar í hvívetna.
![](https://trolli.is/wp-content/uploads/2018/06/34385997_1547075685419840_5788960481523793920_n.jpg)
Ferðamenn í gönguferð upp í Hvanneyrarskál
![](https://trolli.is/wp-content/uploads/2018/06/34556316_1547075775419831_1389599594463100928_n.jpg)
Það má líka alveg tylla sér augnablik þó maður sé í gönguferð
Annar hópur af sama skipi fór í kajak siglingu út á fjörðinn – með leiðsögn að sjálfsögðu.
![](https://trolli.is/wp-content/uploads/2018/06/34368869_1547075512086524_8825063568756965376_n.jpg)
Ferðamenn gera klárt fyrir kajak ævintýraferð
Kajak ræðarar réru út á fjörðinn og skoðuðu meðal annars flakið af Skoger.
![](https://trolli.is/wp-content/uploads/2018/06/skoger-kajak-1.jpg)
Ferðamaður á kajak skoðar flakið af Skoger
Myndir: af vef Topmountaineering
Frétt: Gunnar Smári Helgason